再见「其他」收件匣!Fb Messenger 新增「讯息请求

来源  :   H易生活     2020-06-18 23:04:10

2020-06-18

再见「其他」收件匣!Fb Messenger 新增「讯息请求

有用过 Facebook Messenger 嘅朋友可能会留意,如果有三唔识七嘅人 Send Message 畀你,Message 唔会自动显示,反而会自动去咗「其他收件匣」,唔记得 Check 的话,分分钟有重要讯息都石沉大海(小记就刚刚先见到一封 5 月收到嘅网上游戏得奖通知,呜呀蚀晒!)。而且其他收件匣有个缺点,就係只限桌面版先用到,对低头族嚟讲好唔方便。Facebook 官方终于都收到民意,决定改革,唔再用「其他收件匣」,改用「讯息请求」取而代之。

每次有新朋友想 Facebook Send Message 畀阁下时,阁下就会收到一个讯息请求(Message Request)。请求会显示对方嘅姓名同基本资料,你可以选择接受然后继续同佢倾计,又或者拒绝同时封锁此人。发讯息者唔会知道你已读不回,亦唔会知你 Block 咗佢,已封锁嘅讯息亦会同普通讯息分开。而 Block 咗嘅用户,就算再开新 Account 想 Send Spam Message,Facebook 都有机制可以追蹤同封锁得到。

简单嚟讲,有人想 Facebook Message 你,就要先经你同意,但又唔一定要 Add 你做朋友。Facebook 形容此举为「基础发展」,有助改善沟通方式。更新今日起会陆续推出予所有 Facebook 用户使用。

相关推荐

【施政报告】科技园将研科学园第二阶段扩建

【施政报告】科技园将研科学园第二阶段扩建

香港科技园公司表示,就《施政报告》提出启动科学园第二阶段扩建计划,该公司将研究不同发展方案,包括园内
【施政报告】科技园研觅园区外扩建地点

【施政报告】科技园研觅园区外扩建地点

放大图片新一份《施政报告》公布,科技园公司将启动第二阶段扩建研究园内外的发展方面案。政府消息人士表示
【施政报告】答问会历时个半钟 仅3建制议员提问

【施政报告】答问会历时个半钟 仅3建制议员提问

放大图片行政长官林郑月娥早上10时半出席《施政报告》答问会,由于多名泛民议员叫嚣,至中午12时结束时