《新枪弹辩驳 V3》声优石田晴香专访

来源  :   H易生活     2020-06-10 19:52:58

2020-06-10

《新枪弹辩驳 V3》声优石田晴香专访

今年动漫节其中一个大力宣传嘅游戏有呢只下个月尾就会正式推出嘅《新枪弹辩驳 V3》。为隆重其事,游戏嘅製作人同埋声优都有特地嚟到香港同大家见面。我哋亦邀请到声优石田晴香嚟同大家做个专访。

《新枪弹辩驳 V3》声优石田晴香专访

问(记者)

答(石田晴香)

问:之前有参与过《枪弹辩驳》舞台剧演出,你觉得同今次参与游戏製作有咩分别?

答:两个故事其实係完全唔同世界,所以好难讲有咩唔同。不过可以有份参与两代故事嘅演出,我觉得好开心。

问:请问有冇玩过过去两集游戏作品?同今次《V3》比较你会有咩感想?

答:其实我都係呢个游戏系列嘅Fans,今次可以演出我觉得好开心。至于世界观方面,我一向都好锺意推理故事,而作为「高速推理动作游戏」亦都係我喜欢,虽然故事内自相残杀係残忍咗少少,但我都玩得好开心。

问:舞台剧演出同配音工作分别好大,你自己比较锺意边种呢?咁解呢?

答:舞台同声优嘅工作係好大分别,而我自己本身一开始係想成为声优。但如果你问会唔会因为咁而锺意配音工作多啲呢?我就觉得好难答,因为两者都係演出紧另一个同自己完全唔同嘅人嘅人生,所以对我嚟讲都係开心有趣嘅经历,所以根本都拣唔到。

问:今次可以参演《V3》入面入间美兔嘅角色,其实你係喺试音会中选而嚟,定係由小高先生亲自钦点嘅呢?而除咗入间美兔之外,游戏当中仲有边个角色你都会想演出呢?

答:之前因工作有机会同小高先生倾计,佢就提及嚟紧嘅新游戏《V3》会有一个好乞人憎,讲嘢好难听嘅角色,我就即刻同佢讲我好适合演呢个角色,所以小高先生就畀咗呢个角色我演出。至于我自己比较有兴趣想演嘅会係一个叫安斯嘅女仔,佢係一个成日话有「神降临」嘅美术部女仔。因为我觉得佢感觉比较天然系,有啲电波、轻飘飘嘅感觉。对我嚟讲係一个未挑战过嘅类型,所以如果有机会都想演出下。

问:石田小姐之前都有参与过其他游戏嘅声演,但今次《V3》游戏类别似乎好唔同,你感有几大分别呢?会唔会呢个游戏配合会难啲?

答:今次角色性格上比较独特,本身有好多对白係唔似女仔,当中有好多字眼係我平时根本唔会讲,所以对我嚟讲係一个新挑战。另外游戏本身对白比较多,好高兴小高先生畀咗好多时间佢去慢慢录,先可以录到最好嘅效果。

问:成个游戏入面你最锺意同最讨厌嘅角色有边个?

答:成个系列计我最锺镱係十神白交,如果净係计《V3》我其实个个角色都咁锺意,但如果一定要拣一个我就当然会拣返我声演嘅入间美兔啦。至于讨厌嘅角色呢,係冇架。

问:喺声演呢个同佢性格咁大出入嘅角色时,会唔会有咩有趣嘅事发生过呢?

答:角色本身有时会成句对白一连串咁都係一啲佢平时唔会讲嘅字眼,所以声演过程中无时无刻都会觉得好有趣。比较特别嘅係角色有时会有啲自创嘅单字,有啲甚至我根本唔识读,要去问返小高先生。呢个地方我觉得值得大家留意一下。

《新枪弹辩驳 V3》声优石田晴香专访
《新枪弹辩驳 V3》声优石田晴香专访
《新枪弹辩驳 V3》声优石田晴香专访
《新枪弹辩驳 V3》声优石田晴香专访

相关推荐

PP爸爸之Whatsapp贴图

PP爸爸之Whatsapp贴图

PP爸爸的日常WhatSticker上线啦感谢大家一直以来的支持作为礼物送比大家Apple iOS用
PP爸爸之猪年行大运

PP爸爸之猪年行大运

祝大家猪年行大运新年快乐家庭幸福猪笼入水大吉大利小朋友快高长大身体健康学业进步红色有角三倍行运
PP爸爸同大家拜个早年

PP爸爸同大家拜个早年

PP爸爸同大家拜个早年猪年贺岁WhatSticker贴图上线啦Apple iOS用户:1. 下载"五